|
 |
| |
Byrjendanámskeið hefjast í byrjun janúar og september ár hvert. Sláðu inn netfangið þitt í reitinn hér að neðan og við sendum þér tölvupóst rétt áður en næsta byrjendanámskeið hefst...
|
|
|
|
|
Facebook síða Þórshamars
|
| |
 27.04.2009
|
Bolir og brúsar til sölu í afgreiðslunni
 Nú fást Þórshamars bolirnir aftur í öllum stærðum í afgreiðslunni. Þeir eru seldir á algeru lágmarksverði eða aðeins kr. 1500.
Einnig vorum við að fá vatnsbrúsa merkta Þórshamri og fást þeir fyrir litlar 500 krónur.
Skellið ykkur á eintak og mætið í Þórshamarsbolnum á áhorfendapallana á Laugardag!
|  |
26.04.2009 |
Síðustu mót vetrarins
Laugardaginn 2. maí fara fram síðustu mót vetrarins í íþróttahúsi Fjölnis, Grafarvogi. Bikarmótið hefst kl. 10:00 og GP mótið 11:30.
Keppendur mæta 45 mínútum áður en mót hefst og starfsmenn og dómarar mæta kl. 9:00.
Nú biðjum við alla sem vettlingi geta valdið að mæta á pallana og hvetja okkar fólk til sigurs. Það stefnir í spennandi keppni um bikarmeistaratitlana en við eigum þrjá keppendur sem eiga möguleika á titlinum, Heklu Helgadóttur í kvennaflokki og þá Tómas Lee Róbertsson og Margeir Stefánsson í karlaflokknum.
Hekla og Tommi hömpuðu bikarmeistaratitlunum í fyrra og sjást þau kampakát með hina veglegu verðlaunagripi á meðfylgjandi mynd.
 | |
25.04.2009 |
Gráðun á vorönn
 Nú er vorgráðunin á næsta leiti og verður dagskráin sem hér segir:
Mánudagur 4. maí:
17:10 Unglingar 2. flokkur
18:30 Unglingar 1. flokkur
20:00 Fullorðnir 1.+2. flokkur
21:00 Meistaraflokkur
Þriðjudagur 5. maí:
17:10 Börn framhald
20:15 Fullorðnir byrjendur
Miðvikudagur 6. maí:
17:10 Börn byrjendur
18:20 Unglingar byrjendur
Munið eftirfarandi:
- Að vera mætt 20 mínútum fyrir tímann til að ganga frá skráningu og greiðslu
- Að taka með 1000 kr. eða greiðslukort fyrir gráðunargjaldinu
- Að taka með gráðubókina!
| |
06.04.2009 |
Þrír nýir svartbeltingar í Þórshamri
Frábær þátttaka var á æfingabúðum með Sensei Kawasoe um helgina en samtals komu yfir 100 karateiðkendur á æfingar með meistaranum.
Á laugardeginum fór fram stærsta dan-gráðun sem haldin hefur verið hér á landi en þá fóru alls 17 manns í gráðun, 15 í sho-dan og 2 í ni-dan gráðun.
Allir stóðust þessa þolraun með glæsibrag og eignaðist Þórshamar þrjá nýja svartbeltinga, þau Sigrúnu Maríu Guðmundsdóttur, Heklu Helgadóttur og Aron Þór Ragnarsson. Auk þess tóku þeir Tómas Lee Róbertsson og Margeir Stefánsson ni-dan gráðun (2.dan).
Við óskum þeim innilega til hamingju með þennan áfanga!
Á meðfylgjandi mynd má sjá hópinn sem fór í gráðun ásamt Sensei Masao Kawasoe.
 | |
05.04.2009 |
Kennsla um páskana
 Kennsla verður samkvæmt stundaskrá á mánudag og þriðjudag en eftir það eru barna- og unglingahóparnir komnir í páskafrí.
Á miðvikudag verður aðeins ein æfing fyrir alla fullorðinshópana saman kl. 19:00.
Æfingar hefjast svo aftur skv. stundaskrá í öllum flokkum á þriðjudaginn eftir páska.
Gleðilega páska!
| |
01.04.2009 |
Aprílgabb - Aukaæfing með Sensei Kawasoe
 Sensei Kawasoe kemur til landsins í dag og verður morgundagurinn notaður til að ljúka við gerð myndbands sem tökur hófust á fyrir nokkru. Á myndbandinu sýnir Sensei hverja og eina Shotokan kata frá nokkrum sjónarhornum og bunkai.
Sensei hefur fallist á að taka æfingu meistaraflokks í Þórshamri í kvöld, miðvikudagskvöld, og verður æfingin opin öllum shotokan félögunum og verður ekkert gjald tekið fyrir æfinguna. Þetta er einnig kjörið tækifæri fyrir iðkendur í öðrum flokkum að koma og fylgjast með æfingunni og berja þennan mikla meistara augum.
Látið þessa uphitun fyrir helgina ekki fram hjá ykkur fara!
(Þetta var að sjálfsögðu apríl gabb og við biðjum þá velvirðingar sem hafa tekið þetta góðlátlega grín óstinnt upp ;-)
| |
|
|
