Aðalsíða

  Algengar spurningar

  Næsta byrjendanámskeið?

30.3.04

Góður árangur í Svíþjóð Karatesamband Íslands sendi um helgina 9 manna hóp, þar af 6 úr Karatefélaginu Þórshamri, á hið árlega kata mót "Swedish Kata Trophy" eða "Kata Pokalen" eins og það er kallað í Svíþjóð. Það er skemmst frá því að segja að hópurinn náði frábærum árangri eða 7 verðlaunasætum en eftirfarandi unnu til verðlauna: Vilhjámur Svan Vilhjálmsson: Brons í flokki svartbeltinga karla. Ásmundur Ísak Jónsson: Gull í flokki 35-39 ára karla. Sólveig Sigurðardóttir: Brons í flokki 18-20 ára svartbeltinga kvenna. Auður Olga Skúladóttir: Brons í flokki 18-20 ára svartbeltinga kvenna. María Helga Guðmundsdóttir: Gull í flokki 15 ára stúlkna Andri Bjartur Jakobsson: Brons í flokki 15 ára drengja Guðbjartur Ísak Ásgeirsson: Brons í flokki 14 ára drengja Einnig fóru þeir Daníel Pétur Axelsson og Jón Ingi Þorvaldsson með hópnum en Daníel og Vilhjálmur Svan lentu saman í fyrstu viðureign í sínum flokki á mótinu. Þetta er stærsti hópur sem KAÍ hefur sent á erlent mót í mörg ár en undanfarin ár hafa mest verið sendir fjórir keppendur á erlend stórmót. Við óskum þeim til hamingju með árangurinn! Daginn fyrir mótið tók hópurinn þátt í eins dags æfingabúðum með Sensei Yoshimi Innue (8.dan Shito Ryu) og Sensei Katushiro Tsuyama (8.dan Shotokan) en meginviðfangsefnið var shitei kata eða staðlaðar kata, tvær úr hverjum stíl, sem skylda er að nota í fyrstu umferðum á kata mótum skv. reglum WKF. Þess má geta að Sensei Tsuyama er formaður tækninefndar WKF og var á sínum tíma einn af aðalkennurum yfirþjálfara okkar, Sensei Masao Kawasoe. Hér má sjá nánari upplýsingar um úrslit á mótinu og um æfingabúðirnar á vef sænska bardagalistasambandsins. Meðfylgjandi eru einnig nokkrar myndir sem teknar voru í ferðinni.

22.3.04

Stórsigur á Íslandsmótinu í kata Keppendur okkar hrepptu 10 af þeim 12 verðlaunum sem keppt var um á nýafstöðnu Íslandsmóti í kata. Sólveig Sigurðardóttir vann sinn fyrsta Íslandsmeistaratitil í kata kvenna. Edda Blöndal, sem haldið hefur titlinum síðasta áratuginn, var dómari á mótinu og gerði ekki tilraun til að verja titilinn. Hópkatalið Þórshamars unnu Íslandsmeistaratitla í bæði hópkata kvenna og karla en Vilhjálmur Svan, KFR, varði titil sinn í kata karla. Nánari upplýsingar um úrslit eru komin inn á úrslitasíðuna og myndir frá mótinu má finna hér.

12.3.04

Greinar í sænska tímaritinu Fighter Í haust birtust tvær greinar í sænska tímaritinu Fighter um karate á Íslandi. Ari Hultquist sem æfði hjá okkur á tímabili skrifaði greinarnar og myndskreytti með myndum sem teknar voru á æfingum í Þórshamri. Hér má sjá greinarnar í heilu lagi á jpg sniði (ath. sænskunámskeið ekki innifalið...:) Forsíða Efnisyfirlit Grein 1 - Síða 1 Grein 1 - Síða 2 Grein 2 - Síða 1 Grein 2 - Síða 2 Grein 2 - Síða 3

Eldri fréttir...

powered by blogger