Íslandsmeistaramótið í kata fór fram laugardaginn 23.mars í íþróttahúsinu við Hagaskóla.  Mótið var mjög fjölmennt, en 52 keppendur voru skráðir til keppni og 14 hópkatalið, en alls voru keppendur frá 6 félögum skráðir til leiks.  Katamótið var með nýju fyrirkomulagi, þar sem nú var keppt eftir úrsláttarfyrirkomulagi í stað þess að nota stig eins og hefur verið gert undanfarin ár, en flögg voru notuð til að gefa til kynna hvor aðilinn hefði sigrað.  Þetta fyrirkomulag þýðir að hver keppandi þarf að koma oftar inn á gólfið til að framkvæma kata og komast áfram í næstu umferð.  Úrsláttarfyrirkomulagið er í samræmi við reglur Alþjóða Karatesambandsins (WKF), en lista yfir þær kata sem framkvæma má og númer þeirra má sjá hér.  

Edda Lúvísa Blöndal og Ásmundur Ísak Jónsson, meistararnir síðan í fyrra vörðu titla sína í einstaklingskeppninni ásamt því að verða tvöfaldir meistara með sveitum sínum í Hópkata.  Karatefélagið Þórshamar vann alla íslandsmeistaratitlana ásamt því að fá flest stig yfir heildina og er því Þórshamar Íslandsmeistari félaga í kata.  Dómarar voru; Ólafur Wallevik Yfirdómari, Ólafur Hreinsson, Bjarni Kristjánsson, Árni Þór Jónsson, Gunnlaugur Sigurðsson, Karl Viggó Vigfússon og Helgi Hafsteinsson.

Þórshamar óskar öllum íslandsmeisturunum til hamingju með árangur sinn.

Úrslit í einstökum flokkum urðu sem hér segir;

 

Heildarárangur einstakra félaga;