18.04.2017

Æfingabúðir Richard Amos 21. - 23. apríl

Sensei Richard Amos kemur til okkar 21.- 23. apríl og heldur æfingabúðir ásamt því að nokkrir einstaklingar fara í dangráðun hjá meistaranum. Æfingabúðirnar verða frá föstudegi til sunnudags skv. neðangreindri stundatöflu og fara æfingar fram í Þórshamri (Brautarholt) á föstudeginum og íþróttahúsi Kársnesskóla (Holtagerði, Kópavogi) á laugardeginum og sunnudeginum.

Lágmarksaldur er 12 ára.

ATHUGIÐ að Gullkálfa/fullorðinsæfing á föstudag og öll kennsla á laugardag fellur niður, þar sem þjálfarar okkar verða í æfingabúðunum.

Við höfum notið leiðsagnar Richards frá því sumarið 2007 er hann þjálfaði fyrir okkur í æfingabúðum er við héldum í Lignano á Ítalíu. Frá árinu 2008 hefur hann svo komið nær árlega í heimsókn til okkar.
Amos sensei er einn af fremstu Shotokan-kennurum samtímans. Hann æfði í 10 ár í Japan í aðalstöðvum JKA og lauk á þeim tíma þriggja ára kennaranámi. Hann kenndi í aðalstöðvum JKA og opnaði svo sinn eigin skóla í Tókýó. Amos sensei hefur á ferli sínum unnið til fjölda verðlauna á hinum ýmsu mótum í Evrópu, Bandaríkjunum og Japan. Amos er aðalþjálfari karatesamtakanna WTKO sem eru eitt af fjölmennustu Shotokan-samböndum heimsins í dag.

Lesa nánar...