Nýr vefur!

  Næsta byrjendanámskeið?

  Algengar spurningar

24.09.2012

Innanfélagsmót í Kata - unglingar Innanfélagsmót fyrir unglinga (fædd. '99-'02) verður haldur næstkomandi fimmtudag. Keppt verður í kata og er mæting kl 16:15. Mótið hefst kl 16:30 og áætluð mótslok kl 19:00. Mótið kemur í staðinn fyrir æfingarnar sem eru fyrir unglingaflokkana þennan dag en ætlast er til þess að krakkarnir mæti á mótið.

16.09.2012

Sensei Poh Lim kennir 28. sept - 7. október Sensei Poh Lim er flestum félagsmönnum að góðu kunnur. Hann hefur verið tíður gestur hjá okkur allt frá því að hann var búsettur hér á árunum 1990-92 og var aðalþjálfari Þórshamars. Hann er alþekktur fyrir sína kraftmiklu og skemmtilegu æfingar sem vekja jafnan lukku hjá iðkendum. Nýtið tækifærið til hins ítrasta og mætið vel hjá þessum frábæra þjálfara!

16.09.2012

Heimsókn frá Grænlandi Miðvikudaginn 19. september er von á 12 manna hópi frá Grænlandi sem ætlar að vera hjá okkur til 24. september. Þau gista í Þórshamri og verða á æfingum með okkur.

10.09.2012

Sumargráðun Þá er komið að því að uppskera árangur erfiðisins í sumar og mæta í gráðun. Klukkan 19:00 miðvikudaginn 12. september er gráðun fyrir þá sem æft hafa í sumar og vilja fara í gráðun, að öðru leyti eru æfingar óbreyttar þennan dag. Gott er að skrá sig í gráðunina með því að senda póst á thorshamar@thorshamar.is svo allt verði tilbúið á réttum tíma. Athugið að gráðun kostar kr.1.000,- og munið eftir gráðunarbókinni ykkar.

07.09.2012

Dómaranámskeið í Kumite Karatesambandið stendur fyrir dómaranámskeiði í kumite föstudaginn 5.október næstkomandi kl. 19:00, í sal E, í Íþróttamiðstöð ÍSÍ Laugardal. Helgi Jóhannesson, EKF Referee, sér um námskeiðið. Námskeiðið verður í formi fyrirlesturs þar sem farið verður yfir keppnisreglur WKF kumitehlutann, en fyrirlesturinn tekur um 2 klst. Í framhaldi af honum verður haldið skriflegt próf fyrir þá sem það kjósa en verklegur hluti dómaraprófsins fer þá fram sunnudaginn 7.október á meðan Bikar- og Bushido mótin standa yfir. Ekki er nauðsynlegt að fara í skriflegt próf þó svo að fólk mæti á fyrirlesturinn, en hægt er að nálgast reglurnar og prófspurningarnar á íslensku og ensku á heimasíðu KAÍ undir tenglinum "Keppnisreglur WKF". Skráning á námskeiðið sendist á helgijo@gmail.com. Endilega tilgreinið hvort þið ætlið að sækja fyrirlesturinn eingöngu eða hvort þið ætlið einnig að fara í próf. Vinsamlegast látið aðra vita af námskeiðinu, sérstaklega þjálfara og keppnisfólk.

Eldri fréttir...