Nýr vefur!

  Næsta byrjendanámskeið?

  Algengar spurningar

31.01.2010

Aðalfundur Þórshamars Aðalfundur Karatefélagsins Þórshamars verður haldinn föstudaginn 26. febrúar kl. 20:30 í húsnæði félagsins að Brautarholti 22. Venjuleg aðalfundarstörf skv. lögum félagsins. Tillögur að lagabreytingum þurfa að berast stjórn félagsins á netfangið thorshamar@thorshamar.is amk. viku fyrir aðalfund. Viltu taka þátt í störfum félagsins á einhvern hátt? Við óskum m.a. eftir fólki í stjórn félagsins, skemmtinefnd og fulltrúa Þórshamars í mótanefnd Karatesambandsins. Við viljum einnig gjarnan heyra frá foreldrum iðkenda í barna- og unglingahópunum sem eru tilbúnir að taka að sér einhver hlutverk eða verkefni á vegum félagsins. Sendið okkur póst á netfangið thorshamar@thorshamar.is Allir félagsmenn, iðkendur og foreldrar iðkenda velkomnir. Vonandi sjáum við ykkur sem allra flest á aðalfundinum!

21.01.2010

Breyting á æfingatímum laugard. 23. jan. Æfing hjá byrjendahópi unglinga og fullorðinna laugardaginn 23. janúar verður kl. 14:00 eða klukkutíma síðar en venjulega. Þessi breyting á æfingatímanum á bara við um þennan eina dag og kemur til vegna æfingabúðanna með Sensei Pat. Athugið að enn getum við bætt við byrjendum í alla aldurshópa og hægt verður að slást í hópinn fram að mánaðamótum. Drífið ykkur að skrá ykkur með því að smella hér.

14.01.2010

Æfingabúðir með Sensei Pat McLuskey! Sensei Pat McLuskey, 6.dan, kemur í heimsókn til okkar helgina 22. – 24. janúar 2010 og mun halda æfingabúðir á vegum Shotokan Karatesambands Íslands. Sensei Pat er flestum að góðu kunnur, hann hefur verið tíður gestur hjá okkur í gegnum tíðina. Hann hefur náð mjög góðum árangri í kata og kumite á alþjóðlegum mótum, hvort sem um er að ræða Evrópu- eða heimsmeistaramót. Æfingarnar fara fram í Karatefélaginu Þórshamri og verða sem hér segir: Föstudagur 22. janúar: 18:00 – 19:00 Fullorðnir 9. - 3. kyu 19:00 – 20:30 Fullorðnir 2. kyu - 5. dan Laugardagur 23. janúar 12:00 – 13:00 Unglingar 10-13 ára 13:00 – 14:00 Fullorðnir 9. - 3. kyu 15:00 – 17:00 Fullorðnir 2. kyu - 5. dan Sunnudagur 24. janúar 12:00 – 13:30 Fullorðnir 9. - 3. kyu 13:30 – 15:30 Fullorðnir 2. kyu - 5. dan Verð: Fullorðnir 2. kyu - 5. dan: 6000 kr. allar æfingar / 2500 kr. stök æfing Fullorðnir 9. - 3. kyu: 5000 kr. allar æfingar / 2000 kr. stök æfing Unglingar: 1000 kr.

11.01.2010

Framhaldshópur barna í Stundinni okkar Framhaldsflokkur barna stóð sig aldeilis vel í Stundinni okkar í gær. Ef þið misstuð af þættinum þá getið þið smellt á meðfylgjandi mynd til þess að horfa á þáttinn á vef RÚV. (Ef þið viljið hoppa beint í atriðið þeirra þá þarf að spóla fram um 23 og hálfa mínútu).

06.01.2010

Hekla er karatekona ársins 2009! Hekla Helgadóttir var valin karatekona ársins 2009 og er það annað árið í röð sem hún hlýtur þessa nafnbót. Hún er vel að titlinum komin enda árangur hennar á liðnu ári hreint út sagt glæsilegur. Hér á eftir fylgir listi yfir þau verðlaunasæti sem hún náði á árinu 2009, bæði innanlands og utan: - Íslandsmeistari í kata kvenna - Íslandsmeistari í Hópkata kvenna - Sænska Kata Pokalen - 2. sæti í Kata kvenna í brúnbeltingaflokki - Sænska Kata Pokalen - 3. sæti í Hópkata kvenna - Bikarmeistari kvenna í karate 2008-2009 - Grand Prix meistari í kata 2008-2009 - 2. sæti í kumite á GrandPrix mótaröð Karatesambands Íslands 2008-2009 - Stockholm Open - 2. sæti Hópkata kvenna - Stockholm Open - 3. sæti Kumite kvenna -55 kg - Íslandsmeistaramótið í kumite - 3. sæti Kumite kvenna -61 kg - Íslandsmeistari í Opnum flokki kvenna í kumite Við óskum Heklu innilega til hamingju með þennan einstaka árangur og erum að vonum að springa úr stolti!

04.01.2010

Æfingar hefjast í dag! Byrjendanámskeiðin hefjast á morgun! Spennandi vorönn framundan! Æfingar hefjast á fullu skv. stundaskrá í dag mánudaginn 4. janúar. Byrjendanámskeið fullorðinna hefjast þriðjudaginn 5. janúar kl. 19:00 og byrjendanámskeið barna og unglingar hefjast miðvikudaginn 6. janúar. Vorönnin verður sérlega viðburðarík en við fáum a.m.k. 4 gestaþjálfara í heimsókn. Sensei Pat McLuskey heimsækir okkur 22.-24. janúar og Sensei Poh Lim í febrúar. Lars Henriksen og Rune Nilsen eru einnig væntanlegir og verða dagsetningar fyrir heimsóknir þeirra auglýstar um leið og þær liggja fyrir. Fyrirhuguð er keppnisferð á sænska bikarmótið í kata (KataP okalen) sem haldið er í lok mars. Iðkendum í Gullkálfahópnum stendur til boða að fara á mótið og þeir sem æfa a.m.k. fjórum sinnum í viku fá styrki frá Þórshamri til fararinnar. Einnig er fyrirhuguð ferð á æfingabúðir í Noregi 30. júní -4. júlí. Öllum iðkendum í Þórshamri stendur til boða að koma með í þá ferð en hún verður nánar auglýst á næstu dögum. Það hefur heldur betur bæst í leikfangasafnið hjá okkur síðustu daga. Við erum m.a. komin með hinar geysivinsælu ketilbjöllur auk æfingabolta (medicine balls), sippubanda, teygjubanda, fókuspúða, upphífingarstanga og ýmislegs fleira. Við munum nota þetta alltsaman grimmt á púlæfingunum á fimmtudögum auk þess sem við halda áfram að taka hluta af hverri æfingu í gott púl til að auka styrk og úthald. Sjáumst á æfingu!!!

03.01.2010

Einstakt tilboð á byrjendanámskeiðum! Fjölskylduafslátturinn okkar ætti að vera öllum félagsmönnum að góðu kunnur en veittur er helmingsafsláttur fyrir hvern iðkanda umfram einn í hverri fjölskyldu. Nú ætlum við að bjóða sambærilegan vinaafslátt af byrjendanámskeiðum á vorönninni til reynslu. Ef núverandi iðkandi í Þórshamri skráir vin sinn á byrjendanámskeið fá báðir 25% afslátt af æfingagjaldi vorannar. Ef menn kjósa að greiða árgjald þá er veittur 5000 króna afsláttur fyrir fullorðna og 4000 fyrir börn og unglinga. Þú getur safnað upp afslætti fyrir allt að fjóra þannig að ef þú skráir fjóra nýja byrjendur til leiks þá æfirðu frítt á vorönninni!!! Tilboðið gildir fyrir þá sem greiða æfingagjöld að fullu fyrir föstudaginn 22. janúar.

02.01.2010

Breytingar á gjaldskrá Gjaldskráin okkar hefur verið nánast óbreytt síðan haustið 2007. Á sama tíma hefur vísitala neysluverðs hækkað um ca. 30% og því má segja að æfingagjöldin hafi lækkað að raunvirði sem því nemur. Það verða smávægilegar breytingar á gjaldskránni að þessu sinni, æfingagjöld fyrir staka önn fara í 16000 hjá börnum og unglingum og 20000 hjá fullorðnum. Þetta er tæplega 7% hækkun í barna- og unglingahópunum og rúmlega 8% hjá fullorðnum... og er nú satt best að segja aðallega gert til að auðvelda útreikning á þeim afsláttarkjörum sem verið er að bjóða. Karateiðkun hjá Þórshamri verður eftir sem áður einhver allra ódýrasta líkamsrækt sem völ er á! Árgjaldið er hins vegar óbreytt þannig að nú verður ódýrara að greiða árgjald heldur en fyrir tvær annir - Ef þú greiðir árgjaldið þá æfir þú semsagt frítt í sumar... og rúmlega það!

Eldri fréttir...