Nýr vefur!

  Næsta byrjendanámskeið?

  Algengar spurningar

30.04.2008

Vorskemmtun barna- og unglingahópa Engir fleiri tímar eru hjá iðkendum okkar í barna-og unglingaflokkum eftir gráðun, en hins vegar ætlum við að skella okkur í keilu og lyfta okkur upp til að fagna sumri! Þriðjudagur 13. maí kl. 17-19 í Keiluhöllinni, Öskjuhlíð: keila og pizzur fyrir börn á aldrinum 6-9 ára. Miðvikudagurinn 14. maí kl. 17-19 í Keiluhöllinni Öskjuhlíð: keila og pizzur fyrir unglinga á aldrinum 10-14 ára. Þjálfarar krakkanna verða á staðnum. Verð fyrir hvern þátttakanda er 1000 krónur og skal greiða við skráningu sem fer fram í afgreiðslu Þórshamars. Ef óskin er að fara í leikjasalinn þarf að taka með sér aur fyrir því. Takið eftir að þeir krakkar sem eru 9-10 ára geta valið hvorum hópnum þeir vilja tilheyra, eldri eða yngri hópnum. Skemmtun fyrir unglinga á aldrinum 15-18 fer fram síðar í maímánuði, nánar auglýst síðar. Karatekveðjur, Þjálfarar Karatefélagsins Þórshamars

28.04.2008

Dagskrá fyrir gráðanir í maí 2008 Þá liggur dagskrá fyrir gráðanir loksins fyrir. Vinsamlegast verið mætt a.m.k. 20 mínútum áður en gráðun hefst svo hægt sé að ganga frá skráningu og greiðslu gráðunargjalda. Gráðunargjaldið er kr. 1.000. Þriðjudagur 6.maí 2008: 17:20-18:00 Frh II börn 18:00-19:00 Unglingar frh. II Miðvikudagur 7.maí 2008 17:20-18:10 Frh I börn 18:10-19:00 Unglingar frh. I 19:00-20:30 M.flokkur Fimmtudaginn 8. maí 2008 18:00-19:00 Börn byrjendur 18:10-19:00 Unglingar byrjendur 19:00-20:30 Fullorðnir frh. 20:30-21:30 Fullorðnir byrjendur Fimmtudagur 15.maí 2008 18:00-19:00 Sjúkragráðun

15.04.2008

Æfingabúðir með Sensei Steve Ubl Sensei Steve Ubl verður í heimsókn hér á landi um helgina og heldur æfingabúðir í Lindaskóla sem enginn ætti að láta fram hjá sér fara. Steve býr yfir einstakri þekkingu á Shotokan karate eftir að hafa verið náinn vinur og nemandi Sensei Nakayama um árabil í upphafi áttunda áratugarins. Hann starfar nú innan vébanda WTKO samtakanna með Richard Amos sem okkur er einnig að góðu kunnur eftir heimsóknir hans hingað og einnig æfingabúðir sem Amos og Ubl héldu fyrir okkur á Lignano í fyrrasumar. Dagskrá æfingabúðanna verður eftirfarandi: Föstudagur 18. apríl: 18:00-19:30 Allir 13 ára og eldri 19:30-21:00 3. kyu og ofar Laugardagur 19. apríl: 12:00-13:30 Allir 13 ára og eldri 13:30-15:00 3. kyu og ofar Sunnudagur 20. apríl: 12:00-13:30 Allir 13 ára og eldri 13:30-15:00 3. kyu og ofar Verð: 3000 kr. fyrir 10.-4. kyu 4500 kr. fyrir 3. kyu og ofar 1500 kr. fyrir staka æfingu

13.04.2008

Hekla með bronzverðlaun á NM! Hekla Helgadóttir vann til bronzverðlauna í kata á Norðurlandamótinu í karate sem fram fór í Laugardalshöll um helgina. Andri Sveinsson og Ari Sverrisson unnu einnig til bronzverðlauna á mótinu, Andri í -80kg. flokki og Ari í -75kg. flokki. Í liðakeppninni unnu strákarnir okkar sigur á liði Dana og enduðu í 4ja sæti. Keppendur á mótinu voru u.þ.b. 50 talsins frá öllum Norðurlöndunum auk Eistlands. Þetta er í fyrsta sinn sem mótið er haldið hér á landi síðan árið 1999 og tókst framkvæmd þess í alla staði einstaklega vel. Mótið var ekki haldið árin 2000-2004 en er nú komið aftur í fastar skorður og verður næst haldið í Danmörku í apríl árið 2009. Á meðfylgjandi mynd má sjá Heklu á verðlaunapallinum ásamt þeim Karin Hägglund frá Svíþjóð sem sigraði og Varaporn Poorisriak frá Danmörku sem varð í öðru sæti.

10.04.2008

Norðurlandamótið í karate! Það ætti ekki að hafa farið fram hjá neinum að Norðurlandamótið í karate verður haldið hér á landi nú um helgina, eða nánar tiltekið laugardaginn 12. apríl. Mótið fer fram í Laugardalshöll og hefst kl. 10:00. Yfir 50 af fremstu keppnismönnum og konum í karate koma frá öllum Norðurlöndunum auk Eistlands. Missið ekki af þessu einstaka tækifæri til að fylgjast með keppni í karate á heimsmælikvarða! Aðgangur er ókeypis og við viljum minna á að allar æfingar falla niður í Karatefélaginu Þórshamri á laugardaginn. Fjölmennið á palla Laugardalshallarinnar til að hvetja okkar fólk til sigurs! Sjá nánari upplýsingar á vef Karatesambands Íslands.

08.04.2008

Tveir nýir svartbeltingar í Þórshamri! Það voru alls 7 manns sem komust í gegnum gráðun fyrir svart belti nú um helgina hjá Sensei Kawasoe, fimm úr Breiðablik og tveir úr Karatefélaginu Þórshamri. Það voru þeir Bergsteinn Ísleifsson og Bjarki Mohrmann sem bættust í hóp svartbeltinga hjá okkur en hér fyrir neðan má sjá mynd af öllum hópnum sem hlaut sho-dan gráðu að þessu sinni. Við óskum þeim kærlega til hamingju með þennan áfanga!

Eldri fréttir...