Nýr vefur!

  Næsta byrjendanámskeið?

  Algengar spurningar

21.10.2008

Unglingameistaramótið í kumite Unglingameistaramótið í kumite fór fram nú um helgina í Fylkishöllinni í Árbæ. Þórshamar átti 10 þátttakendur á mótinu og voru margir þeirra að stíga sín fyrstu skref í keppni í kumite. Keppendahópurinn okkar stóð sig með mikilli prýði og eru margir efnilegir í þessum hópi. Elsa Mjöll Bergsteinsdóttir vann til bronzverðlauna í flokki 16-17 ára stúlkna en hún hafði betur í viðureign við Kirsten Ashley Sindradóttur um þriðja sætið en þær eru báðar úr Karatefélaginu Þórshamri. Karatedeild Fylkis vann til flestra verðlauna á mótinu. Á meðfylgjandi mynd má sjá alla verðlaunahafa á mótinu og er Elsa Mjöll önnur frá hægri á myndinni. Við óskum þeim öllum til hamingju með árangurinn og ekki síður þeim sem voru að keppa í fyrsta sinn með að sýna það hugrekki sem til þarf!

10.10.2008

Frábær árangur á Banzai Cup 20 keppendur frá Íslandi tóku þátt í opna þýzka mótinu Banzai Cup sem haldið var í Berlin um helgina. Hópurinn var frá fjórum félögum, Þórshamri, Breiðablik, Fylki og Haukum. Hekla Helgadóttir vann til gullverðlauna í kata í flokki unglinga 18 ára og yngri. Hún var einnig í kumiteliði með þeim Kirsten úr Þórshamri og Jóhönnu úr Fylki. Jóhanna vann auk þess til bronzverðlauna í sínum flokki í kumite. Á myndinni má sjá stúlknaliðið okkar í kumite, skipað þeim Heklu, Kirsten og Jóhönnu. Við óskum öllum hópnum til hamingju með góðan árangur!

Eldri fréttir...