Vetrarstarfið að hefjast!
Þriðjudaginn 4. september fer allt í fullan gang hjá okkur aftur. Kennsla hefst skv. nýrri og talsvert breyttri stundaskrá.
Helstu breytingarnar eru þær að framhaldshópar fullorðinna (I.flokkur og II.flokkur) eru sameinaðir í einn flokk og sömuleiðis framhaldshópar barna. Á móti kemur að við lengjum æfingar fullorðinna upp í 90 mín. og munum að öllu jöfnu nota síðasta hluta tímans sérstaklega fyrir þá hæst gráðuðu í hvorum hópi fyrir sig.
Á þriðjudögum og föstudögum verða opnar æfingar kl. 18:10 sem verða ýmist notaðar fyrir undirbúning fyrir keppni, gráðun eða að þær verða opnar fyrir þá sem vilja koma og æfa sig sjálfir án þjálfara. Efni þessara æfinga verður auglýst sérstaklega jafnóðum.
Kennarar á haustönn verða m.a. Ásmundur Ísak Jónsson, Einar Hagen, Edda Blöndal, Jón Ingi Þorvaldsson, Birkir Jónsson, Magnús Blöndal o.fl.
Og þá er bara að hrista af sér sumarslenið, grafa upp karategallann og drífa sig á æfingu! |
