28.08.2006

Vetrarstarfið hefst 1. september

Vetrarstarf Karatefélagsins Þórshamars fer í gang af fullum krafti á föstudaginn, 1. september, en þá hefjast æfingar í öllum flokkum nema byrjendaflokkum en þeir byrja fimmtudaginn 7. september. Ný stundaskra haustannar er komin á vef félagsins.

Æfingagjöld hækka hjá okkur í haust. Við höfum ekki hækkað gjöldin síðan 2002 en neyðumst til þess núna vegna stóraukinna útgjalda. Þó bendum við á það stórsniðuga fyrirkomulag að þeir sem gera upp æfingagjöld sín fyrsta mánuð annarinnar fá að halda sig við gamla verðið! Þetta er liður í aukinni áherslu á innheimtu æfingagjalda en því miður er það svo að síðasta vetur og núna í sumar stunduðu margir iðkendur æfingar án þess að greiða æfingagjöld sín. Annar liður í því átaki er sú nýbreytni að 50% fjölskylduafslátturinn okkar gildir nú aðeins fyrir þá sem gera upp á fyrsta mánuði annar.

Eins og venjulega bendum við nú öllum á að draga vini og vandamenn með sér í karate. Byrjendum gefst kostur á að mæta í fyrsta tímann sér að kostnaðar- og skuldbindingalausu svo það er um að gera að koma og prófa.

Smelltu hér til að skrá þig á byrjendanámskeið!