|
 |
| |
Byrjendanámskeið hefjast í byrjun janúar og september ár hvert. Sláðu inn netfangið þitt í reitinn hér að neðan og við sendum þér tölvupóst rétt áður en næsta byrjendanámskeið hefst...
|
|
|
|
|
Facebook síða Þórshamars
|
| |
 31.05.2006
|
Sumaræfingatafla
Fimmtudaginn 1. júní tekur sumaræfingatafla Þórshamars gildi. Hefur töflunnar verið beðið með nokkurri eftirvæntingu sem er ekki að ástæðulausu. Nýja taflan er í meginatriðum svona:
Ákveðið var að hafa allar æfingar í sumar kl. 18:30 - 20:00 sem felur í sér augljósan hægðarauka.
Á mánudögum og miðvikudögum æfa I. flokkur og meistarafl. saman kl. 18:30.
Á þriðjudögum og fimmtudögum æfir II. flokkur kl. 18:30.
Á föstudögum æfa svo allir flokkar saman kl. 18:30.
Edda Blöndal heldur úti sinni sívinsælu kumiteæfingu kl. 17:30 á þriðjudögum.
Stjórn Þórshamars færir iðkendum sumarkveðju og vonar að menn og konur verði iðin við kolann í sumar enda styttist í æfingabúðir á heimsmælikvarða á Laugarvatni (27. - 30. júlí).
|  |
31.05.2006 |
Ný verðskrá frá og með 1. júní 2006
Samþykkt hefur verið ný verðskrá í Þórshamri sem mun taka gildi frá og með 1. júní 2006.
Athugið að verðskráin er tvískipt; börn og unglingar / fullorðnir. Unglingar sem verða 14 ára á árinu greiða fullorðinsgjald:
- 1 mánuður: 4.500 / 5.500
- Haustönn (4 mánuðir): 13.500 / 15.500
- Vorönn (5 mánuðir): 13.500 / 17.500
- Byrjendur (3 mánuðir): 13.500 / 15.500
- Sumargjald: 8.000
- Árgjald: (ekki í boði fyrir börn og unglinga) / 35.000
- Boðgreiðslur: 2.900 / 3.200 á mánuði (ath bara 9 mánuðir fyrir börn og unglinga)
Einnig verður eftirfarandi afsláttur í boði fyrir þá sem greiða tímanlega:
- Þeir sem ganga frá greiðslu í september fyrir haustönnina greiða gamla æfingagjaldið: 12.000 fyrir unglinga og 13.500/15.500 fyrir fullorðna.
- Fjölskylduafsláttur fyrir þá sem borga/ ganga frá greiðslufyrirkomulagi í september: 50% afsláttur af lægra gjaldi, annars fellur réttur til fjölskylduafsláttar úr gildi.
Athugið að félagið er nú að bjóða upp á boðgreiðslur í fyrsta skipti og eru félagsmenn eindregið hvattir til að nýta sér þann möguleika. Áhugasamir hafi samband við afgreiðslu.
Iðkendum er einnig bent á að ef ekki er búið að ganga frá æfingagjöldum fyrir gráðun þá missir iðkandi rétt til gráðunar.
Baráttukveðja
Stjórnin
| |
08.05.2006 |
Kumiteæfingabúðir og æfingar í sumar
Næstu helgi fara fram kumite æfingabúðir með fyrrverandi landsliðsþjálfara Íslendinga, Allan Busk. Allan er án efa einn færasti kumiteþjálfari og iðkandi í Evrópu um þessar mundir. Æfingarnar eru opnar öllum 14 ára og eldri og eru sem hér segir:
Föstudagur 12. maí
kl. 18:00-20:00 í KFR, kjallara Laugardalslaugar.
Laugardagur 13. maí:
Kl. 11:00-13:00 og kl. 15:00-17:00 í Fylkishöllinni, Árbæ
Sunnudagur 14. maí:
Kl. 11:00-13:00 í Fylkishöllinni, Árbæ.
Æfingarnar eru á vegum KAI, gjaldfrjálsar og hugsaðar fyrir alla þá sem hafa áhuga á að læra kumite, hvort sem þeir stefna á keppni eða ekki. Ljóst er að mikil gróska og áhugi er fyrir kumite í dag, sem lýsir sér einna best í metmætingu á æfingu Eddu Blöndal í síðustu viku, en þangað mættu 54 einstaklingar úr öllu félögum stór-Reykjavíkursvæðisins.
Edda Blöndal mun standa fyrir vikulegum kumiteæfingum í Þórshamri í sumar á þriðjudögum kl. 18:00-19:00. Félagar úr öðrum karatefélögum en Þórshamri eru einnig velkomnir, en eru þá beðnir að hafa samband við Eddu áður, á eddablondal@hotmail.com. | |
07.05.2006 |
Myndir frá vorferðinni eru komnar á myndasíðuna
Hin árlega vorferð var farin í dag. Hópurinn skellti sér á Stokkseyri þar sem farið var á kajak, kíkt í veiðisafnið og farið í sund. Myndirnar eru komnar á myndasíðuna, sjá hér. | |
03.05.2006 |
Kumiteæfing annað kvöld í sal KFR
Edda Blöndal verður með opna kumiteæfingu á vegum KAI annað kvöld, fimmtudagskvöld kl. 18.30-20. Æfingin verður í sal KFR í kjallara Laugardalslaugarinnar (gengið niður milli búningsklefa karla og kvenna í sundlauginni) og eru allir sem áhuga hafa á kumite; ungir sem aldnir hvattir til að mæta á staðinn.
Þess má einnig geta að Edda verður með vikulegar æfingar í kumite í Þórshamri í allt sumar. Nánari tímasetning verður auglýst síðar. | |
02.05.2006 |
Vorferð ungra karateka 7. maí
Hin sívinsæla vorferð Þórshamars verður farin Sunnudaginn 7. maí næstkomandi. Að þessu sinni sem áður verður hópnum smalað upp í rútu og stefnt á vit ævintýranna. Hver áfangastaðurinn verður er haldið leyndu fram að deginum sjálfum en af fyrirhugaðri dagskrá að dæma getum við lofað því að engum, ungum né öldnum mun leiðast.
Börn, unglingar og fullorðnir eru beðnir um að hafa eftirfarandi með í för:
• Hlý föt fyrir útiveru í íslensku vori.
• Auka föt (ef þið skilduð blotna)
• Sundklæðnað
• Góða skapið
• 500 kr. Í þáttökugjald
Skráning í ferðina fer fram í gegnum tölvupóst á thorshamar@thorshamar.is ei síðar en fimmtudaginn 4. maí.
Einnig verður hægt að skrá sig hjá Ingu í afgreiðslunni.
Til að halda utan um þennan góða hóp af ærslafullum ungmennum er æskilegt að hafa einhverja foreldra með í för, sérstaklega fyrir yngri krakkana. Ef þið sjáið ykkur fært að koma með, vinsamlega sendið okkur póst á thorahamar@thorshamar.is eða talið við Ingu í afgreiðslunni.
Gróf tímaáætlun er svohljóðandi:
9.30: Mæting í Þórshamri
10.00: Brottför
15.30: Heimkoma
| |
|
|
