Nýr vefur!

  Næsta byrjendanámskeið?

  Algengar spurningar

30.11.2006

Æfingabúðir með Allan Busk, landsliðsþjálfara í kumite Allan Busk, landsliðsþjálfari í kumite, verður með æfingar 2. og 3. desember næstkomandi í Æfingaaðstöðu KFR, í kjallara Sundlaugarhúsins Laugardal. Æfingarnar eru opnar öllum 14 ára og eldri sem áhuga hafa á keppni í kumite. Einnig verður ein æfing með kumiteþjálfurum félaganna þar sem farið verður í þær áherslur sem Allan Busk er með á æfingum sínum. Allir komi með gi og hlífar. DAGSKRÁ: Laugardag 2. des. 10.00 - 12.00 opin æfing 13.00 - 14.45 opin æfing 15.00 - 16.30 Æfing fyrir þjálfara félaganna Sunnudagur 3. des. 10.30 - 13.30 (með pásu) opin æfing Látið ykkur ekki vanta á æfingar með einum besta kumiteþjálfara heims og lærið WKF kumite eins og það gerist best.

28.11.2006

Gráðanir framundan Eftirfarandi dagsetningar hafa verið settar fyrir gráðanir: Þriðjudagur 5. desember: 17:20-18:10 Frh II börn 18:10-19:00 Frh II unglingar Miðvikudagur 6. desember: 17:20-18:10 Frh I börn 18:10-19:30 Frh I unglingar 19:30-? I.flokkur og Meistaraflokk Fimmtudagur 7. desember 17:20-18:10 Byrjendur börn 18:10-19:00 Byrjendur unglingar 19:00-20:00 Byrjendur fullorðnir 20:00-21:00 II.flokkur Æfing fellur niður kl.19:00 og kl.21:00 Lesa nánar...

12.11.2006

Glimrandi ÍM í kumite Eitt lengsta Íslandsmeistaramót í kumite í manna minnum fór fram í íþróttahúsinu við Strandgötu í Hafnarfirði laugardaginn 11. nóvember en mótið tók tæpar sjö klukkustundir að verðlaunaafhendingu meðtalinni. Ingólfur Snorrason, Selfossi, og Eydís Líndal Finnbogadóttir, Akranesi, urðu tvöfaldir Íslandsmeistarar, bæði í opnum flokki og þyngdarflokkum. Þá varð Tómas Lee Róbertsson Íslandsmeistari í -70 kg flokki og sannaði þar enn og aftur að margur er knár þótt hann sé smár en Jón Ingi Bergsteinsson gerði sér lítið fyrir og landaði bronsi í -75. Þórshamar sendi ekki stóran hóp keppenda að þessu sinni en sýndu menn þó glæsileg tilþrif á mótinu og sumir reyndar einnig á Bar-dögum sem fram fóru í húsnæði félagsins um kvöldið. Að þessu sinni var um að ræða sameiginlega Bar-daga Þórshamars, Breiðabliks og Akraness og var það mál manna að þar væri fundið framtíðarfyrirkomulag Bar-daga sem nú voru haldnir í þriðja sinn.

07.11.2006

Lignano 2007 Karatedeild Breiðabliks stendur fyrir heljarmikilli karateferð til Lignano á Norður-Ítalíu í júní 2007. Nú þegar eru þátttakendur orðnir um 130 frá Breiðabliki og Karatefélagi Akraness. Af alkunnum rausnarskap vilja Breiðabliksmenn gefa okkur kost á að skella okkur með en til boða standa u.þ.b. 25 flugsæti. Óhætt er að segja að verði sé stillt verulega í hóf enda ætla margir að taka fjölskylduna með og nýta ferðina sem sumarleyfi. Við fáum frest til 20. nóvember til að skila inn skráningum og þá þarf að greiða 6.000 kr. staðfestingargjald. Slóðirnar hér að neðan segja annars meira en mörg orð og þegar þú hefur ákveðið að skella þér skaltu senda okkur nafn/nöfn og kennitölu(r) á thorshamar@thorshamar.is. http://www.123.is/karate/files/Lignano%202007.pdf http://www.breidablik.is/displayer.asp?cat_id=1588&module_id=210&element_id=32241 http://www.breidablik.is/displayer.asp?cat_id=1588&module_id=210&element_id=30837

05.11.2006

ÍM í kumite fram undan Næstkomandi laugardag, 11. nóvember, fer Íslandsmeistaramótið í kumite fram í íþróttahúsinu við Strandgötu í Hafnarfirði en Haukar eru gestgjafar mótsins í ár. Mótið hefst kl. 11:00 og að vanda hvetjum við Þórshamarsmenn og -konur til að sýna sig á áhorfendapöllunum, fylgjast með spennandi viðureignum og hvetja sitt fólk. Skráningarfrestur er til og með 6. nóvember en keppt verður í eftirfarandi flokkum: · Kumite karla –65 kg · Kumite karla –70 kg. · Kumite karla –75 kg. · Kumite karla –80 kg · Kumite karla +80 kg · Kumite karla opinn flokkur · Kumite kvenna –57 kg · Kumite kvenna +57 kg · Kumite kvenna opinn flokkur · Liðakeppni karla (3 manna lið + 1 varamaður) · Liðakeppni kvenna (3 kvenna lið + 1 varamaður)

Eldri fréttir...