Nýr vefur!

  Næsta byrjendanámskeið?

  Algengar spurningar

27.09.2005

Æfingabúðir í kumite 30. sept.-2. okt. Um næstu helgi fáum við Eddu Blöndal í heimsókn og verður hún með opnar landsliðsæfingabúðir í kumite. Edda Blöndal er væntanlega flestum kunnug en hún hefur verið sigursælasta karatekempa okkar síðasta áratuginn. Hún er búsett í Svíþjóð um þessar mundir og eru nýjustu fréttir af henni þær að sl. laugardag vann hún tvöfaldan sigur, þ.e. bæði í sínum þyngdarflokki og í opnum flokki, á svæðismeistaramóti í Stokkhólmi (distriktsmästerskap). Æfingarnar verða á eftirfarandi tímum: Föstudag 30.sept. hjá Breiðabliki, Smáranum - kl. 20:30-22:00 Laugardag 1.okt. hjá KFR, Laugardalslaug - kl. 10:30-12:00 og - kl. 14:00-16:00 Sunnudag 2.okt. hjá Karatefélaginu Þórshamri, Brautarholti - kl. 10:30-12:30 og - kl. 14:00-16:00 Æfingarnar eru opnar öllum 14 ára og eldri sem hafa áhuga á að æfa kumite með keppni í huga.

21.09.2005

Kumiteæfingar fyrir 10-16 ára Á þriðjudögum kl. 19:00 verður boðið uppá æfingar í keppniskumite sérstaklega ætlaðar unglingum 10-16 ára. Kumite er leikur tveggja andstæðinga sem keppast um að skora stig á hvort annað með mismunandi tækni. Keppendur undir 18 ára aldri fá ekki stig fyrir tækni sem snertir höfuð. Æfingarnar eru mikilvægar fyrir þau sem ætla sér að keppa á unglingameistaramótinu í kumite sem fram fer 30. október. Þar verða keppendur að verða 12 ára á árinu í það minnsta til að keppa. Fyrir þau sem stefna ekki á keppni er þetta engu að síður skemmtileg viðbót við aðrar æfingar. Á æfingunum er farið í grunninn í keppniskumite og kennarar eru landsliðsfólk í kumite. Nánari upplýsingar gefur Sólveig, (solveigsan@hotmail.com) Hún hefur líka sett upp þráð á spjalli Þórshamars þar sem algengum spurningum er svarað.

Eldri fréttir...