|
 |
| |
Byrjendanámskeið hefjast í byrjun janúar og september ár hvert. Sláðu inn netfangið þitt í reitinn hér að neðan og við sendum þér tölvupóst rétt áður en næsta byrjendanámskeið hefst...
|
|
|
|
|
Facebook síða Þórshamars
|
| |
 21.05.2005
|
Tveir heiðursfélagar í gráðun
 Á hinum árlegu vor-æfingabúðum sem haldnar eru í Windsor í Englandi fóru þeir Sensei Ólafur Wallevik og Helgi Jóhannesson í gráðun að þessu sinni. Ólafur er því kominn með gráðuna 5.dan og Helgi 4.dan.
Ólafur Wallevik er yfirþjálfari okkar í Þórshamri og Helgi er yfirþjálfari Karatedeildar Breiðabliks en báðir eru þeir heiðursfélagar í Karatefélaginu Þórshamri.
Við óskum þeim báðum kærlega til hamingju með þennan merkisáfanga.
|  |
01.05.2005 |
Sólveig og Jón Ingi Bikarmeistarar
 Seinna bikarmót vetrarins fór fram í Smáranum laugardaginn 30.apríl. Að loknu bikarmótinu hélt Karatesamband Íslands lokahóf þar sem bikarmeistarar fengu afhenta hina veglegu verðlaunagripi sem fylgja bikarmeistaratitlinum. Á bikarmótunum er keppt bæði í kata og kumite og verður sá bikarmeistari sem nær flestum stigum samanlagt í báðum greinum á bikarmótum hvers keppnistímabils.
Eins og svo oft áður var það Þórshamarsfólk sem skipaði efstu sætin. Sólveig Sigurðardóttir vann bikarmeistaratitilinn í kvennaflokki í fjórða sinn með miklum yfirburðum og með fullt stiga. Jón Ingi Þorvaldsson varð bikarmeistari karla fjórða árið í röð en hann fékk 18 stig af 20 mögulegum.
Sérstök verðlaun voru veitt efnilegustu nýliðum ársins en að þessu sinni urðu fyrir valinu þau Auður Olga Skúladóttir úr Þórshamri og Gunnar Lúðvík Nelson úr KFR.
Við óskum þeim öllum til hamingju með þennan glæsilega árangur.
Meðfylgjandi eru nokkrar myndir sem teknar voru á mótinu og í lokahófinu.
| |
|
|
