|
|
| Næstu byrjendanámskeið hefjast í byrjun janúar 2005. Sláðu inn netfangið þitt í reitinn hér að neðan og við sendum þér tölvupóst um áramótin til að minna þig á það...
| |
|
|
|
|
|
31.10.04
|
Frábær árangur á UM í kumite
Unglingameistaramótið í kumite fór fram í dag í íþróttahúsinu við Varmá í Mosfellsbæ. Þórshamar átti 9 keppendur á mótinu og unnu þeir allir til verðlauna. Einnig skiluðu þau félaginu titlinum Unglingameistari félaga í kumite árið 2004!
Við óskum þeim innilega til hamingju með þennan glæsta árangur. Smellið á myndina af þessum vígreifa hóp til að skoða myndir sem teknar voru á mótinu.
|
|
26.10.04
|
Sensei Poh Lim kemur um helgina
Sensei Poh Lim, 6.dan, kemur í óvænta heimsókn í lok vikunnar og kennir á öllum æfingum á föstudag og frá kl. 11-15 á laugardag.
Þetta er í þriðja sinn á þessu ári sem Sensei Poh Lim sækir okkur heim en hann kom hingað í febrúar og hélt æfingabúðir í Þórshamri og kom einnig í júlí og þjálfaði á æfingabúðunum á Laugarvatni.
Æfingarnar eru öllum félögum í Þórshamri að kostnaðarlausu að þessu sinni og eru allir hvattir eindregið til að láta þetta tækifæri ekki fram hjá sér fara.
|
|
25.10.04
|
Sólveig og Jonni efst að stigum
Fyrsta bikarmót vetrarins fór fram í gær í íþróttahúsi Breiðabliks í Smáranum. Sólveig Sigurðardóttir sigraði bæði í +57kg. flokki í kumite og kata og er efst í flokki kvenna með fullt hús stiga eða 10 stig.
Jón Ingi sigraði í +74kg. flokki í kumite og varð annar í kata og er efstur með 8 stig í flokki karla.
Aðrir sem unnu til verðlauna úr Þórshamri voru Daníel Pétur Axelsson sem varð þriðji í kata og í öðru sæti í -74kg. flokki í kumite, Ingibjörg Helga Arnþórsdóttir sem varð efst í -57kg. flokki í kumite, Auður Olga Skúladóttir sem varð önnur í bæði kata og +57kg. flokki í kumite og Elín Elísabet Torfadóttir sem náði þriðja sæti í kata.
Þátttaka í mótinu var mjög góð og er þetta líklega fjölmennasta bikarmót sem haldið hefur verið. Næsta bikarmót fer fram í apríl 2005 og ræðst þá hverjir hljóta bikarmeistaratitilinn á þessu keppnistímabili.
Ef smellt er á meðfylgjandi mynd má sjá nokkrar fleiri myndir sem teknar voru af verðlaunaafhendingu eftir mótið.
|
|
23.10.04
|
Mótavertíðin að hefjast
Nú er mótavertíðin að komast í fullan gang og á morgun og næstu þrjár helgar verða eftirtalin mót:
- 24. okt. - 1.Bikarmót KAÍ
- 31. okt. - Unglingamótið í kumite
- 06. nóv. - Íslandsmótið í kumite
- 14. nóv. - Shotokan mót barna og unglinga
Bikarmótið á morgun fer fram í Íþróttahúsi Breiðabliks í Smáranum og hefst kl. 15:00 en keppendur og starfsmenn mæta kl. 14:00! Skráning á mótið fer fram á mótsstað kl. 14:00-14:30.
Þeir sem ekki ætla að keppa eru að sjálfsögðu hvattir til að koma og fylgjast með spennandi keppni og hvetja keppnisfólk okkar til dáða.
Á síðunni "á döfinni" má finna nánari upplýsingar um mót og aðra atburði sem eru framundan.
|
|
19.10.04
|
Á æfingu með danska landsliðinu
Landslið Íslands í Karate fór um helgina í æfingaferð til Álaborgar en Allan Busk landsliðsþjálfari okkar er búsettur þar ásamt stórum hluta danska landsliðsins.
Í ferðina fóru allir meðlimir landsliðs og unglingalandsliðs okkar í kumite. Okkar fólk í landsliði fullorðinna eru þau Edda Blöndal og Jón Ingi Þorvaldsson, í unglingalandsliðinu eru síðan Sólveig Sigurðardóttir og Ingibjörg Arnþórsdóttir.
Edda og Jonni æfa nú á fullu fyrir heimsmeistaramótið í Karate en það fer fram í Monterrey í Mexíkó dagana 18.-21.nóv. nk.
Ef smellt er á meðfylgjandi mynd má sjá nokkrar fleiri myndir sem teknar voru um helgina.
|
|
4.10.04
|
Góður árangur á Bohemia Cup í Prag
Landslið Íslands í Karate átti þrjá keppendur á alþjóðlega mótinu Bohemia Cup í Prag í Tékklandi um helgina. Það voru þau Edda Blöndal, Sólveig Sigurðardóttir og Jón Ingi Þorvaldsson, öll úr Karatefélaginu Þórshmari. Edda og Sólveig kepptu í +60 kg. flokki og opnum flokki kvenna og Jón Ingi keppti í -75 kg. flokki og opnum flokki karla. Sólveig og Edda deildu þriðja sætinu í opnum flokki kvenna og Jón Ingi vann einnig til bronzverðlauna í opnum flokki karla.
Bæði Sólveig og Jón Ingi kepptu síðan einnig um þriðja sætið í sínum þyngdarflokkum en misstu bæði naumlega af verðlaunasæti þar.
Að auki keppti Edda með liði Svía í liðakeppni og lentu þær í þriðja sæti og Jón Ingi keppti með liði Dana sem komst í úrslit og tóku þeir með sér silfurverðlaun úr liðakeppninni.
Meðfylgjandi eru nokkrar myndir sem teknar voru á mótinu.
|
|
|
|