|
|
| Næstu byrjendanámskeið hefjast í byrjun janúar 2005. Sláðu inn netfangið þitt í reitinn hér að neðan og við sendum þér tölvupóst um áramótin til að minna þig á það...
| |
|
|
|
|
|
22.7.04
|
Æft úti í veðurblíðunni á Laugarvatni
Æfingabúðirnar sem haldnar voru helgina 9.-11. júlí síðastliðinn að Laugarvatni tókust vel og stefnt er að því að gera þetta að árlegum viðburði. Þrjátíu karateiðkendur frá Þórshamri og Breiðablik sóttu æfingarnar og fóru síðustu æfingarnar á sunnudeginum fram utandyra í einstakri veðurblíðu.
Smellið hér til að skoða myndir sem teknar voru á æfingabúðunum.
|
|
12.7.04
|
Sameining æfinga
Þar sem mæting dregst aðeins saman yfir mitt sumarið þá sameinum við nú æfingarnar þannig að virka daga verður aðeins ein hefðbundin æfing á dag.
M.flokkur og I.flokkur æfa saman mánudaga og miðvikudaga kl. 19:00 og II.flokkur æfir þriðjudaga og fimmtudaga kl. 19:00. Á föstudögum æfa svo allir saman kl. 18:00.
Að auki eru sérstakar fangbragðaæfinar á mánudögum kl. 20:00 og kumite æfingar á þriðjudögum kl. 20:00 og á fimmtudögum kl. 18:00. Sjá nánar í æfingatöflunni.
|
|
5.7.04
|
Æfingabúðir að Laugarvatni 9.-11. júlí 2004
Um næstu helgi, 9.-11. júlí 2004, verða haldnar æfingabúðir að Laugarvatni. Þetta er í fyrsta sinn sem slíkar æfingabúðir eru haldnar þar síðan sumarið 1991. Aðalþjálfari á æfingabúðunum verður Sensei Poh Lim, 6.dan, en hann er staddur hér á landi í tvær vikur og til að hita okkur upp fyrir æfingabúðirnar hefur hann fallist á að þjálfa okkur á miðvikudaginn, 7.júlí, bæði I.flokk kl. 18:00 og M.flokk kl. 19:00.
Dagskrá æfingabúðanna verður eftirfarandi:
Föstudagur 9. júlí
18:00 - 21:00 Skráning
19:00 - 20:00 Kvöldverður
21:00 - 22:30 Æfing
Laugardagur 10. júlí
08:00 - 09:00 Morgunnmatur
10:00 - 12:00 Æfing
12:30 - 13:30 Hádegismatur
15:00 - 17:00 Æfing
17:00 - 19:00 Gufubað og heitir pottar
19:00 - 20:00 Kvöldmatur
21:00 - 00:00 Kvöldvaka
Sunnudagur 11. júlí
09:00 - 10:00 Morgunnmatur
11:00 - 13:00 Æfing
13:00 - 14:00 Sund og heitir pottar
14:00 - 15:00 Hádegisverður
15:00 Æfingabúðum slitið
Boðið verður upp á gistingu og fullt fæði, morgunverð, hádegisverð og kvöldverð á einstaklega lágu verði eða kr. 12.000,- og er þátttaka í æfingunum innifalin í því verði. Æfingabúðirnar án gistingar og fæðis eru á kr. 4.000,-.
Vinsamlegast skráið ykkur fyrir miðvikudagskvöldið á skráningarsíðunni: http://www.thorshamar.is/skraning/ en fjöldi gistiplássa er takmarkaður.
Missið ekki af þessu einstaka tækifæri!
|
|
2.7.04
|
Íslendingar í Tönsberg
Í lok júní ár hvert eru haldnar æfingabúðir í Tönsberg í Noregi. Þjálfarar á æfingabúðunum í þetta sinn voru Sensei Weberg, Sensei Kawasoe, Sensei Ochi, Sensei Poh Lim og Sensei Kenny Taylor.
Þangað fara að öllu jöfnu nokkrir Íslendingar og þetta árið voru það þau Malin Eriksson, Edda Blöndal, Birkir Jónsson, Atli Steinn Guðmundsson, Eydís Líndal og Magnús Guðmundsson sem gerðu sér ferð til Noregs til að æfa með þessum miklu meisturum. Eydís og Magnús æfa með Karatefélagi Akraness en hin fjögur í Þórshamri.
|
|
|
|