|
 |
| | Næstu byrjendanámskeið hefjast í byrjun janúar 2005. Sláðu inn netfangið þitt í reitinn hér að neðan og við sendum þér tölvupóst um áramótin til að minna þig á það...
| |
|
|
|
|
| |
20.5.03
|
Nýjar myndirMyndir úr vissuferðinni sem var farin á sunnudaginn síðasta eru komnar á netið. Farið var með barnahópana á Akranes í sund, leiki og grill. Eins og sjá má á myndunum var mikið fjör í ferðinni.
|
 |
19.5.03
|
Jón Ingi bikarmeistari! Laugardaginn 17. maí var fjórða og síðasta bikarmót vetrarins haldið. Jón Ingi Þorvaldsson úr Þórshamri varð bikarmeistarar í karlaflokki annað árið í röð og Eydís Líndal, Karatefélagi Akraness, varð bikarmeistari í kvennaflokki. Við óskum þeim til hamingju með árangurinn.
Haldin eru fjögur bikarmót á hverju keppnistímabili og er keppt í kata og í tveimur þyngdarflokkum í kumite á hverju móti. Gefin eru stig fyrir 4 efstu sætin í hverjum flokki fyrir sig á hverju móti og hreppir sá bikarmeistaratitilinn sem nær hæstum stigafjölda samanlagt í bæði kata og kumite út úr öllum fjórum mótunum.
Á heimasíðu KAÍ má finna allar upplýsingar um úrslit mótanna og lokastöðuna í Bikarkeppni KAÍ. Hér er síðan að finna nokkrar myndir sem teknar voru á síðasta bikarmótinu og á lokahófi KAÍ þar sem hinir veglegu bikarar voru afhentir.
|
|
16.5.03
|
Sólveig keppir í Tokyo í sumar
Sólveig Sigurðar keppti núna um daginn á fylkismóti Myiagi-fylkis. Þetta var sterkt mót og kringum 700 keppendur sem tóku þátt. Sólveig var nýorðin 18 ára þegar mótið var haldið og var þess vegna yngsti keppandin á mótinu. Alls kepptu 16 konur í hennar þyngdarflokki. Þar á meðal var ein úr Japanska landsliðinu sem var einnig ný útskrifuð úr sterkum karate-háskóla í Tokyo. Sólveig lenti á móti henni í úrslitum en varð að láta í minni pokann, enda var hún mun eldri og reyndari en Sólveig.
Sólveig endaði í öðru sæti í kumite og er þar með kominn í hóp þeirra sem fá að fara á Japans-meistaramótið í Tokyo í sumar. Sólveig keppti einnig í kata, þrátt fyrir frekar laka frammistöðu (að eigin sögn) lenti hún samt í þriðja sæti og mun þar af leiðandi einnig keppa í kata á næsta móti.
Hún vakti mikla athygli þarna eins og hún er vön. Það kom ljósmyndari og tók myndir af henni þegar hún var að hitta upp. Þær munu birtast í þarlendu karateblaði sagði hann. Einnig stendur til að taka annað sjónvarpsviðtal þarna við hana. Fyrir stuttu fór hún svo á fund Myiagi liðsins og hitti þjálfarann. Stendur til að æfa heilmikið með þeim fyrir mótið.
|
|
|
|
