Aðalsíða

  Algengar spurningar

  Næsta byrjendanámskeið?

14.3.03

ÍM í kata 2003 Íslandsmótið í kata fór fram þ. 8 mars í Íþróttahúsi Hagaskóla. Þórshamar stóð sig vel og vann Edda Blöndal kata kvenna og varð A-lið Þórshamar í fyrsta sæti í hópkata karla. Þórshamar varð stigahæst félaga á mótinu. Heildarúrslit verða sett á síðuna innan skamms. Þess má geta að árshátíð Þórshamars var haldin að kvöldi sama dags og var það einróma álit manna að vel hafi tekist til með fögnuðinn þetta árið.

5.3.03

Árshátíð Þórshamars Árshátíð Þórshamars er á næsta leiti gott fólk. Af því tilefni er rétt að minna fólk á að bretta nú upp ermarnar og finna skemmtiatriði. Hefðin er sú að hver æfingahópur komi með ca. 1 skemmtiatriði sem geta verið nánast hvernig sem er. Rétt er þó að taka það fram að ef atriðið krefst einhvers tæknibúnaðar, s.s. skjávarpa og tölvu að þá verða menn að redda því sjálfir. Miðasala er hafin hjá Ingu í afgreiðslunni og er miðaverð það sama og í fyrra: 2.900,- Staður og stund: Lögreglusalurinn, Brautarholti 30, 8. mars kl.19.00 Aldurstakmark: 18 ár Nánari upplýsingar í Þórshamri.

5.3.03

Íslandsmeistaramót í Kata Dagur: Laugardaginn 8. mars 2003 Staður: Íþróttahús Hagaskóla Mæting: Kl. 10:00 Dagskrá: Keppni hefst kl. 10:30 og lýkur kl. 15:00 Karatefélagið Þórshamar sér um mótið að þessu sinni. Við hvetjum alla til þess mæta og horfa á. Allar æfingin laugardaginn 8. mars falla niður vegna mótsins.

5.3.03

Edda í fjórða sæti Um helgina keppti Edda L. Blöndal á sterku opnu móti í Eistlandi. Edda keppti bæði í kata og kumite og náði góðum árangri. Í kata komst hún í átta manna úrslit og í kumite lenti hún í fjórða sæti. Við óskum henni til hamingju með frábæran árangur.

Eldri fréttir...

powered by blogger