Aðalsíða

  Algengar spurningar

  Næsta byrjendanámskeið?

26.11.02

HM fréttir Íslenzka landsliðið í Karate átti 3 fulltrúa á heimsmeistaramótinu í Karate sem fram fór í Madrid um helgina. Jón Ingi Þorvaldsson, Karatefélaginu Þórshamri, keppti í -75 kg. flokki, Edda Blöndal, einnig úr Þórshamri, í +60 kg. flokki og opnum flokki kvenna og Ingólfur Snorrason, Karatedeild Fylkis, í +80 kg. flokki og opnum flokki karla. Jón Ingi komst í 3. umferð í sínum flokki og þar með í 16 manna úrslit. Í fyrstu tveimur umferðum vann hann sigur á keppendum frá Jórdaníu og Kóreu og tapaði síðan naumlega í framlengdri viðureign á móti Króatíumanninum D. Mrzak. Edda átti í höggi við Janne Iversen frá Noregi í fyrstu umferð í +60 kg. flokki og tapaði naumlega í framlengingu, í opna flokknum laut hún í lægra haldi fyrir bronsverðlaunahafanum P. Supramaniam frá Malasíu. Ingólfur lenti í erfiðum riðlum í báðum sínum flokkum og komst ekki í 2. umferð en hann mætti fulltrúa Ítala í opnum flokki og Júgóslavíu í +80 kg. flokknum.

22.11.02

Sólveig í Japan Sólveig Sigurðardóttir félagi í karatefélaginu Þórshamri dvelur núna sem skiptinemi í Japan, í borginni Sendai sem er í Tohoku norðurhluta Japans. Sólveig er karatekona ársins 2001, núverandi bikarmeistari kvenna í karate og margfaldur unglingameistari í kumite og kata. Um síðustu helgi tók hún þátt í fylkismóti fyrir shotokan karate, en Sólveig keppir í flokki unglinga 15-17 ára. Hún gerði sér lítið fyrir og vann báða sína flokka í kata og kumite. Í kumite (frjáls bardagi) keppti hún 3 bardaga sem hún vann örugglega. Í kata var hún eftir undanúrslit jöfn stigum og Japansmeistari unglinga í þessum flokki en í úrslitum vann Sólveig örugglega. Þessi árangur Sólveigar er mjög glæsilegur í ljósi þess að Japansmeistari unglinga í kata tók þátt í mótinu, en Japanir eru mjög framarlega í Karate. Þetta er annað mótið sem Sólveig tekur þátt í síðan hún fór til Japans, en fyrir mánuði tók hún þátt í borgarkeppni Sendai þar sem hún vann sinn aldursflokk í kata, kumite og var í sigurliði í sveitakeppni kumite.

19.11.02

Shotokanmótið Shotokanmót unglinga var haldið þann 17 þessa mánaðar. Mótið fór vel fram og gekk hratt og örugglega fyrir sig. Þórshamars krakkar stóðu sig vel á mótinu. Úrslit má finna á úrslitasíðu. Myndir eru einnig komnar á myndasíðu.

10.11.02

Brons hjá Eddu og Jonna! Edda Lúvísa Blöndal og Jón Ingi Þorvaldsson fengu bæði brons í sínum þyngdarflokki á opna Tékkneska mótinu um helgina. Mótið er liður í undirbúningi fyrir HM á Spáni seinna í þessum mánuði. Þórshamar óskar þeim til hamingju með þennan glæsilega árangur.

9.11.02

Ný síða og kynningarefni Þá er nýja síðan komin í loftið. Nýtt plakat og bæklingur komu úr prenti í gær, föstudag. Það vantar því ekkert upp á til að geta haldið útgáfuteiti í húsakynnum Þórshamars í kvöld. Mætiði endilega öll með góða skapið.

9.11.02

Æfingabúðir með Sensei Pat McLuskey Sensei Pat McLuskey, 5.dan, er annar erlendi þjálfarinn sem við fáum í heimsókn í vetur. Hann kemur og heldur æfingabúðir í karatefélaginu Þórshamri 8.-10. nóvember nk. Sensei Pat McLuskey býr og þjálfar í Skotlandi. Seinsei Pat hefur verið tíður gestur hjá okkur í gegnum tíðina og er þetta í níunda skipti sem hann kemur og heldur æfingabúðir. Hann hefur náð mjög góðum árangri í kata á alþjóðlegum mótum, hvort sem um er að ræða Evrópu- eða heimsmeistaramót. Æfingarnar um helgina verða sem hér segir:   Kl. Unglingar 9-13 ára. 9. - 5. kyu 4. kyu - 3. dan   8.nóv 18:00 - 19:00 19:00 - 20:00 20.00 - 21:30   9. nóv 12:00 - 13:00 13:00 - 14:00 16:00 - 17:30   10.nóv   14:00 - 15:00 15:00 - 16:00 16:05 - 17:30   Verð:         Allar æfingar kr 1.000.- kr 1.500.- kr 2.500.-   Stök æfing kr 1.000.- kr 800.- kr. 8.00

9.11.02

Opið shotokanmeistaramót fyrir börn og unglinga Sunnudaginn 17. nóvember verður haldið opið shotokanmeistaramót fyrir börn og unglinga í íþróttahúsinu Austurbergi. Keppendur þurfa að mæta kl. 10:30, mótið hefst kl. 11:00. Keppt verður í eftirtöldum flokkum; 1. Kata 8 ára og yngri (fd. '94 og y) 2. Kata 9 - 11 ára (fd. '93 - '91) 3. Kata 12 - 14 ára (fd. '90 - '88) 4. Kata 15 - 18 ára (fd. '87 - '84) 5. Hópkata 9 ára og yngri (fd. '93 og y) 6. Hópkata 10 - 12 ára (fd. '92 - '90) 7. Hópkata 13 - 18 ára (fd. '89 - '84) 8. Kumite drengja 13 - 15 ára (fd. '89 - '87) 9. Kumite pilta 16 - 18 ára (fd. '86 - '84) 10. Kumite stelpna 13 - 15 ára (fd. '89 - '87) 11. Kumite stúlkna 16 - 18 ára. (fd. '86 - '84)

9.11.02

Gráðun Nú líður að gráðunum en þær fara að þessu sinni fram á tímabilinu 25. - 28. nóvember skv. eftirfarandi töflu:   Flokkur   Dags.   Tími   Börn byrjendur   fimmtudagur 28. nóv   17:20 - 18:10   Börn framhald I   mánudagur 25. nóv   17:20 - 18:00   Börn framhald II   þriðjudagur 25. nóv   17:20 - 18:10   Unglingar byrjendur   fimmtudagur 28. nóv   18:10 - 19:00   Unglingar framhald I   mánudagur 25. nóv   18:10 - 19:00   Unglingar framhald II   þriðjudagur 26. nóv   18:10 - 19:00   Fullorðnir byrjendur   fimmtudagur 28. nóv   20:00 - 21:00   I.Flokkur   mánudagur 25. nóv   19:00 - 21:00   II.Flokkur   fimmtudagur 28. nóv   19:00 - 20:00   Meistaraflokkur   mánudagur 25. nóv   19:00 - 21:00           Sjúkgragráðun f. alla flokka   miðvikudagur 18. des   20:00 - 21:00 Skráning fer fram hjá Ingu í afgreiðslu félagsins. Verð: Börn og unglingar 500 kr. Fullorðnir 600 kr. Allir eru hvattir til að hafa með sér gráðunarbækur og að mæta tímanlega í gráðun.

9.11.02

Edda og Jón Ingi á HM í karate Í lok mánaðarins fara Edda Blöndal og Jón Ingi Þorvaldsson á HM í karate á Spáni. Undirbúningur stendur yfir hjá þeim fyrir ferðina. Helgina 9. - 10. nóvember keppa þau á Opna tékkneska karatemótinu í Prag. Við óskum þeim góðs gengis og hvetjum alla til að mæta á kumiteæfingar kl. 21:00 á þriðjudögum og fimmtudögum.

9.11.02

Partý Laugardaginn 9. nóvember verður haldin útgáfuteiti í Þórshamri. Tilefnið er útgáfa nýs kynningarefnis, plakats, bæklings og nýrrar heimasíðu. Þess er vænst að aðsókn verði góð, einkum eru félagar í byrjendahópi hvattir til að láta sjá sig og kynnast öðrum félagsmönnum og -konum. Mæting er kl. 22, aldurstakmark 18 ár.

9.11.02

Íslandsmeistaramótið í kumite 2002 Keppendur úr Þórshamri stóðu sig vel á Íslandsmeistaramótinu í kumite um helgina. Keppt var í tíu flokkum og unnu keppendur úr Þórshamri fimm af þeim. Edda Blöndal náði bestum árangri af okkar keppendum en hún sigraði í opnum flokki kvenna, + 57 kg. flokki kvenna og liðakeppni kvenna. Með Eddu í liðinu voru Arna Steinarsdóttir og Nanna Karólína Pétursdóttir. Við óskum keppendum til hamingju með árangurinn. Úrslit úr mótinu eru komin á síðuna úrslit úr mótum.

9.11.02

1. bikarmót vetrarins - úrslit 1. bikarmót vetrarins fór fram fimmtudaginn 3. október í Íþróttahúsi Hauka, Ásvöllum. Mótið fór vel fram í alla staði og var þátttaka góð. Keppt var eftir nýjum reglum Alþjóða karatesambandsins (WKF) í kumite og kata. Úrslit úr mótinu eru komin á síðuna úrslit úr mótum.

4.11.02

Stöðugar breytingar Og við höldum áfram að vinna í síðunni. Nú ætti lóðrétta dæmið að vera komið sýnist mér.

3.11.02

Pat McLusky Sömu helgi og kynningarpartý Þórshamars verður, þá mun Sensei Pat McLusky koma til Íslands og vera með æfingabúðir. Við hvetjum alla til að mæta. Það er mikill fengur fyrir Þórshamar að fá erlenda þjálfara til landsins og það er um að gera að mæta vel til að láta hann standa undir sér fjárhagslega.

3.11.02

Ný síða Þórshamars Þessi síða er afrakstur vinnu nokkurra félagsmanna síðustu mánuðina. Þórshamar hefur fengið nýtt "lúkk" sem mun verða afhjúpað þ. 9 nóvember í húsakynnum Þórshamars. Til að byrja með verður það bara heimasíðan, plakat og bæklingur sem mun hafa nýja útlitið. Seinna má kannski útbúa bréfsefni og annað smotterí í sömu línu.

Eldri fréttir...

powered by blogger